- 322 -

1383. Febr. 16. Liegnitz.

Wenzel, Bischof von Breslau, bestätigt den Verkauf von drei eingegangenen Brotbänken und einer Schuhbank durch die Geistlichen zu St Peter an die Stadt.

In nomine domini amen. Wenceslaus dei gracia episcopus Wratislauiensis. Ad perpetuam rei memoriam decet, quod hijs, que coram nobis aguntur, intendamus taliter, ut futuris calumpnijs et litium amfractibus, quantum nobis possibile est, obuiemus; ad omnium igitur et singulorum, presencium et futurorum, publicam deferimus nocionem, quod in nostra constitutis presencia, honorabili viro dicto Paulo Czamborn canonico sancte Marie Glogouiensi et plebano ecclesie parrochialis beati Petri apostolorum principis in Legnicz ex una et circumspectis et prouidis viris Nicolao Colbil proconsule et Nicolao Crodin, Hentschelino Gytan, Johanne Quentin, Johanne Goltberg et Paulo Czigelstreicher consulibus ciuitatis Legnicensis suo, suorum successorum consulum ac tocius vniuersitatis seu communitatis iam dicte ciuitatis Legnicensis nominibus parte ex altera, ipse dominus Hanlo nobis viue vocis oraculo exposuit, qualiter tres staciones panum et una stacio calceorum ad ipsum ut plebanum dicte ecclesie sancti. Petri pertinuerint ab antiquo, de quibus eo, quod earum stacionum edificia prorsus sunt colapsa, nullum penitus multo tempore fructum percipere potuerit. Volens igitur suam et sue predicte ecclesie condicionem facere meliorem, sanus mente et corpore, non deceptus, non illectus, non per errorem aut improuide, sed ex certa sciencia sano sapientum usus consilio, cum sibi in hoc casu nichil videtur consulcius, cum prescriptis proconsule et consulibus, nominibus, quibus supra, talem contractum iniuerit, quod ipsi proconsul et consules dicte ciuitatis, qui fuerint pro tempore, in singulis affuturis quatuor temporibus dicto domino Hanlo et suis successoribus dicte ecclesie sancti Petri plebanis pretextu census stacionum predictarum annis singulis successuris et perpetuis temporibus viginti vnum grossos vsualis monete daturos pro omni censu, vsu seu vsufructu, qui ei et suis successoribus posset conpetere, dare et soluere tenebuntur, ad cuius census solucionem dicti consules suo et suorum successorum nominibus se coram nobis spontanee obligauerunt. Ipsi quoque consules ciuitatis eiusdem, qui sunt et fuerint, ut premittitur, temporibus successuris panum et calceorum staciones edificare ad vsum beneplacitum poterunt et ex ipsis suos fructus facere, prout eis melius videbitur expedire. Renuncciauitque idem dominus Hanlo pro se suisque successoribus dicte ecclesie sancti Petri plebanis, quo ad dictas staciones panum et calceorum propter censum prescriptum, sibi annis singulis, ut premittitur, debitam, omni jure proprietatis, possessionis, arrestacionis et repeticionis, quod sibi pro nunc aut in futurum posset competere quovis modo, coram quibuscumque iudicibus, ecclesiasticis vel secularibus, quacumque occasione juris, legis, statuti, conswetudinis, per quas contractus huiusmodi posset quolibet impediri, vel eciam in sui parte aliqua viciari, prout hec omnia in quodam instrumento publico manu Nicolai quondam Johannis de Sprottauia clerici Wratis. dyocesis publica auctoritate imperiali notarij conscripto clarius vidimus contineri. Et quem ad obligacionem solucionis prefati census soluendi dicto domino Hanlo suisque successoribus dicte ecclesie sancti Petri plebanis illustrum principum dominorum Ruperti et Boleslai, ducum Slesie et dominorum in Legnicz, fratrum nostrorum expressus consensus accessit pariter et voluntas, peticionibus votiuis dictarum parcium fauorabiliter inclinati, dictum contractum, ut premittitur, inter dictas partes initum, graciose admittimus et ipsum in omnibus suis premissis clausulis, punctis et articulis, ratum, gratum, habentes, ex certa sciencia robur habere volumus perpetue firmitatis, harum, quibus nostrum sigillum appensum est testimonio literarum. Actum et datum Legnicz, xvi die mensis februarij, anno domini MCCC°LXXX tercio, presentibus prefatis illustribus ducibus, Ruperto et Boleslao dominis in Legnicz, Alberto Schoff et Bernhardo de Czedlicz militibus, Heinrico de Landiscrona et Petro Gauszke armigeris et Nicolao de Selin canonico Wratisl., curie nostre notario, qui presentes habuit in commisso.

Bitschens Privilegb. f. LXXXVII.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866